مؤسسه جواد الائمه علیه السلام

مسافر کے روزے کا حکم

سفر پر جانا

مسئلہ ۴۷۸: ۱۔ قبل از ظہر سفر پر جائے: جس وقت وہ حد ترخص^([1]) پر پہنچ جائے تو وہاں پر روزے کو افطار کرے اور اگر اس سے پہلے روزے کو افطار کرے تو اس پر کفارہ واجب ہوجائے گا۔

۲۔ بعد ظہر سفر پر جائے: اس کا روزہ صحیح ہے اور اس کو باطل نہ کرے۔

سفر سے واپس آنا

مسئلہ: ۴۷۹: ۱۔ ظہر سے پہلے اپنے وطن یا اس جگہ پہنچ جائے کہ جہاں پر دس دن ٹھہرنے (قیام کرنے) کا ارادہ ہو۔

(الف) ایسا کام نہ کیا ہو کہ جس سے روزہ باطل ہوجاتا ہے۔ اسے چاہیے کہ روزے کی نیت کرے اور اس دن کا روزہ پورا کرے اس کا روزہ صحیح ہے ۔

(ب) اگر روزے کو باطل کردیا ہو: اس دن کا روزہ اس پر واجب نہیں ہے ضروری ہے کہ اس کی قضا کرے۔

۲۔ ظہر کے بعد پہنچے: اس کا روزہ باطل ہے اورضروری ہے کہ اس کی قضا انجام دے۔

مسئلہ ۴۸۰: ماہ رمضان میں سفر کرنا صحیح ہے لیکن اگر روزے سے بچنے کے لیے سفر کرے تو مکروہ ہے۔