مؤسسه جواد الائمه علیه السلاموطن
مسئلہ ۴۱۲: وطن وہ جگہ ہے کہ جہاں انسان ہمیشہ رہنے کے لیے خود اختیار کرے خواہ وہ اس جگہ پیدا ہوا ہو اوراس کے والدین کا وطن ہو یا اس نے خود وہ جگہ زندگی گزارنے کے لیے انتخاب کی ہو۔
مسئلہ ۴۱۳: اگرارادہ رکھتا ہو کہ ایسی جگہ کہ جو اس کا اصلی وطن نہ ہو کچھ مدت رہے اوربعد میں دوسری جگہ چلا جائے تو وہ جگہ اس کا وطن شمار نہیں ہوگی۔ جہاں انسان اپنی سکونت اختیار کرے یہ اس شخص کی طرح ہے جس کا وطن ہے وروہ وہاں زندگی بسر کر رہا ہے جیسے اکثر طالب علم جو کہ حوزات علمیہ میں ساکن ہیں اگر ان کو کوئی سفر پیش آجائے تودوبارہ اسی جگہ پلٹتے ہوں چاہے وہاں رہنے کا ہمیشہ کے لیےارادہ نہ بھی ہو یہ وطن کے حکم میں ہے۔
مسئلہ ۴۱۴: اگر ا س جگہ پہنچے کہ جو پہلے اس کا وطن تھا لیکن اب اس جگہ کو ترک کر چکا ہے وہاں پوری نماز نہ پڑھے اگرچہ کسی دوسری جگہ کو اپنے لیے وطن قرار نہ بھی دیاہو۔
مسئلہ ۴۱۵: وہ مسافر کہ جو اپنے وطن میں واپس آئے جس وقت اپنے وطن کی دیوار یا گھروں کو دیکھے یا اذان کی آواز سُنے تو اس وقت ضروری ہے کہ نماز پوری پڑھے۔