مؤسسه جواد الائمه علیه السلامقنوت اور اس کا ترجمہ
مسئلہ ۳۳۳: نماز کی دوسری رکعت میں حمد اورسورہ کے بعد اوررکوع سے پہلے قنوت پڑھنا مستحب ہے۔ یعنی ہاتھوں کو اوپر اٹھائے اورمنہ کے سامنے لے آئے اوردعا پڑھے۔
مسئلہ ۳۳۴: قنوت میں کوئی ذکر بھی پڑھا جا سکتا ہے اگرچہ ایک دفعہ "سبحان اللہ" بھی پڑھ لیں تو کافی ہے اوربہتر ہے کہ درج ذیل ذکر کو پڑھے:
"لَا إِلَهَ إِلَّا اللَّهُ الْحَلِيمُ الْكَرِيمُ
کوئی خدا نہیں سوائے اللہ کے جو صاحب حلم و کرم ہے،
لَا إِلَهَ إِلَّا اللَّهُ الْعَلِيُّ الْعَظِيمُ
کوئی خدا نہیں سوائے اللہ کے جو بلند مرتبہ و بزرگ ہے،
لَا إِلَهَ إِلَّا اللَّهُ رَبِّ السَّمَاوَاتِ السَّبْعِ وَ رَبِّ الْأَرَضِينَ السَّبْعِ
پاک و منزہ ہے وہ خداجو سات آسمانوں اور سات زمینوں کا پروردگار ہے،
وَ مَا فِيهِنَّ وَ مَا بَيْنَهُنَّ وَ رَبُّ الْعَرْشِ الْعَظِيمِ
وہ ہر اس چیز کا پروردگار ہے جو آسمانوں اورزمینوں میں اوران کے مابین موجود ہے، وہ عظیم عرش کا پرور دگار ہے،
وَ الْحَمْدُ لِلَّهِ رَبِّ الْعَالَمِينَ"
حمد و ثناء اس اللہ کے لیے مخصوص ہے جو تمام جہانوں کا پالنے والا ہے۔