مؤسسه جواد الائمه علیه السلامروزے کے احکام
ارشاد رب العزت ہے:
{ يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِنْ قَبْلِكُمْ لَعَلَّكُمْ تَتَّقُونَ}
(سورہ بقرہ، آیت ۱۸۳)
اسلام کے مہم واجبات میں سے ایک واجب روزہ ہے جو انسان کو خود سازی ، کمال اور معنویت کو حاصل کرنے میں مدد کرتا ہے۔ اس کی عظمت کیلئے خداوند متعال کا یہ فرمان ہی کافی ہے کہ روزہ میرے لیے ہے اور میں ہی اس کی جزا دوں گا۔
روزے کی تعریف یہ ہے کہ انسان "طلوع فجر صادق " سے لیکر "مغرب" (رات) تک اطاعت خداوندی کے لیے بعض کاموں سے پرہیز کرے کہ جن کی تفصیل بعد میں آئے گی۔
روزے کے اہداف یہ ہیں کہ روزہ روح اور جسم کو سلامت رکھتا ہے، تقویٰ اور پرہیز گاری تزکیہ نفس ، پاکیزگی اخلاق کا موجب اور بری عادات سے بچنے کی طرف دعوت کرتا ہے اسی بارے میں پیغمبر اکرم ﷺ ارشاد فرماتے ہیں کہ:
ماہ رمضان، وہ مہینہ ہے کہ اس میں انسان کو خدا کی مہمانی کی طرف دعوت کی جاتی ہے۔ اس بناء پر خدا سے یہ دعا مانگو کہ
- 1.خدا تمہاری نیتوں اور دلوں کو گناہوں اور بری صفات سے پاک کرے۔
- 2.روزہ رکھنے اور تلاوت قرآن کی توفیق عطا کرے۔
- 3.جس وقت بھوک اور پیاس لگے تو قیامت کی بھوک اور پیاس کو یاد کرو۔
- 4.اسی طرح غریب ، مسکین اور بے سہارا لوگوں کی مدد کرو۔
- 5.بچوں اور رشتے داروں سے پیار اور محبت سے پیش آؤ۔
- 6.اپنی زبان کو بیہودہ اور بری باتوں سے بچاؤ۔
- 7.اپنی آنکھوں کو حرام چیزیں دیکھنے سے بچاؤ۔
- 8.اپنے کانوں کو حرام کے سننے سے روکو۔
- 9.یتیموں سے مہربانی سے پیش آؤ۔