مؤسسه جواد الائمه علیه السلامنماز جماعت میں شامل ہونا
مسئلہ ۳۸۵: ہر رکعت میں فقط قرائت کےدوران اوررکوع میں پیش نماز کی اقتدا کرکے نماز میں شامل ہوسکتے ہیں۔
نماز جماعت میں شامل ہونے کے مختلف طریقے ہیں:
پہلی رکعت:
۱۔ قرائت کےدوران ← ماموم سورہ حمد اورسورہ کو نہ پڑھے لیکن باقی تمام اعمال کو پیش نماز کے ساتھ اداکرے۔
۲۔ رکوع میں← رکوع اورباقی اعمال کو پیش نماز کے ساتھ اداکرے۔
دوسری رکعت:
۱۔ قرائت کےدوران ← ماموم حمد اورسورہ کو نہیں پڑھے گا اورپیش نماز کے ساتھ قنوت اوررکوع اورسجدہ اداکرے گا جس وقت پیش نماز تشہد پڑھے بنا براحتیاط واجب ضروری ہے کہ پیش نماز کے تشہد کے وقت اپنی ہاتھ کی انگلیوں اورپاؤں کے تلوے کے اگلے حصے کو زمین پر رکھے اوراپنے گھٹنوں کو اٹھالے اوراگر نماز دو رکعتی ہے تو ایک رکعت اوراکیلے پڑھے اورنماز کو پورا کرے اوراگر نماز تین یا چار رکعتی ہے تو اپنی دوسری رکعت میں کہ جس وقت پیش نماز کی تیسری رکعت ہے حمد اورسورہ پڑھے اورجس وقت پیش نماز تیسری رکعت کو پورا کرے اورچوتھی رکعت کے لیے کھڑا ہو تو ماموم کو چاہیے کہ دو سجدوں کے بعد تشہد پڑھے اورکھڑا ہوجائے اورتیسری رکعت کو اداکرے اورنماز کی آخری رکعت میں جب پیش نماز تشہد اورسلام پڑھنے کے ساتھ اپنی نماز ختم کرے تو یہ شخص کھڑا ہو کر ایک رکعت اورپڑھے۔
۲۔ رکوع میں ← رکوع اورباقی اعمال کو پیش نماز کے ساتھ جس طرح بیان ہوچکا ہے پڑھے۔
تیسری رکعت:
۱۔ قرائت کےدوران← اگر یہ جانتا ہے کہ اگر پیش نماز کی اقتداء کرے تو حمد اورسورہ یا فقط حمد پڑھنے کا وقت ہے تو اقتداء کرسکتا ہے اورضروری ہے کہ حمد اورسورہ یا حمد کو پڑھے۔ اوراگر یہ جانتا ہو کہ وقت تنگ ہے تو بنا بر احتیاط واجب صبر کرے تاکہ پیش نماز رکوع میں جائے پھر اس کی اقتداء کرے۔
۲۔ رکوع میں ← اگر رکوع میں اقتدا کرے تو رکوع کو پیش نماز کے ساتھ اداکرے اورحمد اورسورہ اس رکعت کے لیے ساقط ہے اورباقی نماز کو جس طرح پہلے بیان ہوچکا ہے اداکرے۔
چوتھی رکعت:
۱۔ قرائت کے دوران ←تیسری رکعت کی اقتداء کی طرح ہے جس وقت پیش نماز ، نماز کی آخری رکعت میں تشہد اورسلام کے لیے بیٹھتا ہے تو ماموم کھڑا ہوسکتا ہے اوراپنی نماز کو اکیلا پڑھ سکتا ہے نیز نیمہ خیز بیٹھ سکتا ہے جس وقت پیش نماز تشہد اورسلام پورا کرے پھر کھڑا ہوجائے۔
۲۔ رکوع میں ← رکوع اورسجدوں کو پیش نماز کے ساتھ اداکرے اورباقی نماز کو خود پڑھے۔