مؤسسه جواد الائمه علیه السلام

اہمیت نماز

مسئلہ ۳۷۷: جماعت کے ساتھ نماز پڑھنا سب کیلئے مستحب ہے بالخصوص مسجد کے ہمسایہ کیلئے۔

مسئلہ ۳۷۸: مستحب ہے کہ انسان صبر کرے اورنماز کو جماعت کے ساتھ پڑھے۔

مسئلہ ۳۷۹: جماعت کی نماز اگرچہ اوّل وقت نہ پڑھی جائے پھر بھی اول وقت میں اکیلے نماز پڑھنے سے بہتر ہے لیکن فضیلت کے وقت میں فرادیٰ نماز پڑھنا، جماعت کے غیر فضیلت وقت میں پڑھنے سے افضل ہے۔

مسئلہ ۳۸۰: جماعت کی نماز جو مختصر پڑھی جائے اس اکیلے نماز پڑھنے سے بہتر ہے کہ جو طول دے کر پڑھی جائے۔

مسئلہ ۳۸۱: بے توجّہی کی وجہ سے نماز جماعت میں شامل نہ ہونا جائز نہیں ہے۔

مسئلہ ۳۸۲: بغیر کسی وجہ سے جماعت کی نماز کو نہ چھوڑا جائے۔

پیش نماز کی شرطیں

مسئلہ ۳۸۳: ضروری ہے کہ پیش نماز بالغ، عاقل، شیعہ اثنا عشری، عادل اورحلال زادہ ہو۔ اورنماز کو صحیح طریقے سے پڑھے اوراسی طرح اگر ماموم مرد ہو تو پیش نماز کا بھی مرد ہونا ضروری ہے ۔