مؤسسه جواد الائمه علیه السلامنماز جماعت
اسلام مسلمانوں کے اجتماع کو خاص اہمیت دیتا ہے۔
مسئلہ ۳۷۶: نماز جماعت فرادی نماز سے چوبیس درجہ افضل ہے اورپچیس نمازوں کےبرابر ہے۔ بعض روایات میں اس طرح آیاہے کہ رسول خداﷺ نے فرمایا: جو شخص نماز جماعت پڑھنے کے لیے کسی مسجد میں جائے تو ہر قدم کے بدلے اس کو ستر ہزارنیکیاں ملیں گی اورا س طرح ستر ہزار درجات بھی ملیں گے اوراگر وہ ایسی حالت میں مرجائے تو خداوند عالم اس کے اوپر ستر ہزار فرشتے مقرر کرتا ہے کہ اس کی قبر پر جائیں اوراس کو جنت کی خوشخبری دیں اورقبر کی تنہائی میں اس کے مونس و یاورہوں اوراس کے لیے اس دن تک استغفار کریں جس دن اس کو قبر سے اٹھایا جائے گا۔
نماز جماعت میں تمام نمازیوں میں سے ایک شخص جو خاص صفات کا حامل ہو وہ بعنوان پیش نماز اوردوسرے نمازی منظم صفوں میں اس کے پیچھے نماز پڑھیں گے۔
وہ شخص کہ جو اس با جماعت نماز میں سب سے آگے کھڑا ہوتا ہے اسے "پیش نماز" اورجو اس کے پیچھے کھڑے ہو کر اس کی اقتداء کرے اسے "مأموم" کہتے ہیں۔