مؤسسه جواد الائمه علیه السلاموہ چیزیں کہ جن پر سجدہ کرنا صحیح ہے
۱۔ ضروری ہے کہ سجدے میں پیشانی کو زمین پر یا ایسی چیز پر رکھا جائے کہ جو زمین سے اُگی ہو لیکن کھانے والی اورپہننے والی نہ ہو۔
مسئلہ ۳۰۷: پتھر اورجپسم پر سجدہ کرنا صحیح ہے اوراحتیاط مستحب یہ ہے کہ اختیار کی حالت میں پکے ہوئے جپسم اورچونے یا اینٹ اورمٹی کے برتنوں اور ان سے ملتی جلتی چیزوں پر سجدہ نہ کیا جائے۔
مسئلہ ۳۰۸: زمین سے اُگنے والی چیزوں پر جو حیوانات کی خوراک ہیں مثلاً گھاس اوربھوسا پر سجدہ کرنا صحیح ہے۔
مسئلہ ۳۰۹: کاغذ پر سجدہ جائز ہے ہاں اگر وہ ایسی چیز سے بنا ہو جس پر سجدہ کرنا جائز نہ ہو تو احتیاط یہ ہے کہ اس پر سجدہ نہ کیاجائے۔
مسئلہ ۳۱۰: اگر پہلے سجدے میں سجدہ گاہ پیشانی سے چپک جائے تو دوسرے سجدہ کے لیے اسے پیشانی سے جداکیا جائے پھر اس پر سجدہ کیا جائے۔
۱۔ بہترین چیزیں جن پر سجدہ کرنا صحیح ہے۔
(الف) امام حسین علیہ السلام کی قبر اطہر کی مٹی (خاک کربلا)
(ب) مٹی (ج) پتھر (د) پودے
مسئلہ ۳۱۱: اگر کسی کے پاس ایسی چیز نہ ہوجس پر سجدہ کرنا صحیح ہے یا اگر ہو لیکن سخت سردی یاگرمی کی وجہ سے اس پر سجدہ نہ کرسکتا ہو تو کپڑے پر سجدہ کرے اگر وہ بھی ممکن نہ ہو تو ہاتھ کی پشت پرسجدہ کرے۔