مؤسسه جواد الائمه علیه السلام

سجدے میں جسم کا ساکن ہونا

مسئلہ ۳۰۱: سجدے میں ضروری ہے کہ جتنی دیرواجب ذکر کیا جائے جسم ساکن رہے۔ 

مسئلہ ۳۰۲: اگر پیشانی کے زمین پر رکھنے اورساکن ہونے سے پہلے جان بوجھ کر سجدے کا ذکر پڑھے یا ذکر کے ختم ہونے سے پہلے جان بوجھ کر سر کو سجدے سے اٹھالے تو نماز باطل ہے۔

مسئلہ ۳۰۳: اگر پیشانی کے زمین پر رکھنے اورجسم کے ساکن ہونے سے پہلے بھول کر سجدے کا ذکر پڑھے تو ضروری ہے کہ دوبارہ جسم کے سکون کی حالت میں سجدے کے ذکر کو پڑھے۔

مسئلہ ۳۰۴: اگرسجدے کے ذکر پڑھتے وقت سات اعضاء میں سے کسی ایک عضو کو جان بوجھ کر زمین سے اٹھالے تو اس کی نماز باطل ہے لیکن اگر ذکر میں مشغول نہ ہو تو پیشانی کے علاوہ دوسری جگہوں کو زمین سے اٹھالےاوردوبارہ رکھ دے تو نماز صحیح ہے۔ 

مسئلہ ۳۰۵: سجدے میں ضروری ہے کہ پاؤں کے دونوں انگوٹھے زمین پر رکھے اوراگر پاؤں کی دوسری انگلیاں یا پاؤں کا اوپر والا حصہ زمین پر رکھے یا ناخن بڑے ہونے کی وجہ سے انگوٹھوں کے سرے زمین پر نہ لگیں تو نماز باطل ہے۔

مسئلہ ۳۰۶: نماز ی کی پیشانی رکھنے کی جگہ اورپاؤں کے انگوٹھے کے سرے کی جگہ سے چار ملی ہوئی انگلیوں سے اونچی یا نیچی نہ ہو۔