مؤسسه جواد الائمه علیه السلامقبلہ
مسئلہ ۲۱۲: خانہ کعبہ کہ جو مکہ مکرّمہ میں واقع ہے اس کو قبلہ کہتے ہیں اورنماز پڑھنے والے پر ضروری ہے کہ وہ اس کی طرف رُخ کرکے نماز پڑھے۔ لیکن جو شخص اس سے دورہے اگر اس طرح کھرا ہو کہ لوگ کہیں قبلہ رُخ نماز پڑھ رہا ہے تو کافی ہے یہی حکم قبلہ رُخ ہوکر انجام دیئے جانے والے دوسرے کاموں مثلاً حیوانات کو ذبح کرنے کا ہے۔
مسئلہ ۲۱۳: جو نماز پڑھنا چاہتا ہے اس کے لیے ضروری ہے کہ وہ یقین حاصل کرنے کیلئے وہ کوشش کرے کہ قبلہ کس طرح ہے اوراگر یقین حاصل نہ کرسکے تو اپنے گمان کے مطابق عمل کرے۔
مسئلہ ۲۱۴: اگر کسی کے پاس قبلے کا رخ متعین کرنے کا کوئی ذریعہ نہ ہو یا کوشش کے باوجود اس کا گمان کسی ایک طرف نہ جائے تو اس کا کسی بھی سمت منہ کرکے نماز پڑھنا کافی ہے اوراحتیاط مستحب یہ ہے کہ اگر نماز کا وقت وسیع ہو تو چار نمازیں چاروں سمت منہ کرکے پڑھے۔