مؤسسه جواد الائمه علیه السلام

نجاست ثابت ہونے کا طریقہ

مسئلہ ۴۷: کسی بھی چیز کی نجاست تین طریقوں سےثابت ہوتی ہے:

۱۔ خودانسان کو علم ہوجائے کہ فلاں چیز نجس ہے اوراگر کسی چیز کے متعلق گمان ہو کہ نجس ہے تو اس سے پرہیز کرنا ضروری نہیں ہے۔

۲۔ جس شخص کے اختیار میں کوئی چیز ہو وہ اس کے بارے میں کہے کہ نجس ہے جب کہ وہ جھوٹا نہ سمجھا جاتا ہو مثلاً کسی شخص کی بیوی یا نوکر یا ملازمہ جب کہ وہ جھوٹ بولنے میں متھم نہ ہوں کہیں کہ برتن یا کوئی دوسری چیز جو ان کے اختیار میں ہے نجس ہے۔

۳۔ دو عادل مرد جس چیز کی نجاست پر گواہی دیں بلکہ ایک عادل شخص یا ایک قابل اعتماد جو خوادہ عادل نہ بھی ہو کسی چیز کے بارے میں کہے کہ نجس ہےاوراس کی بات کے برخلاف بات کا گمان بھی نہ ہو تو اس چیز سے اجتناب کرنا ضروری ہے۔