مؤسسه جواد الائمه علیه السلاماستبراء
استبراء ایک ایسا عمل ہے جو مرد پیشاب کرچکنے کے بعد اس غرض سے انجام دیتے ہیں کہ اس کے بعد آلہ تناسل سے نکلنے والی رطوبتوں پرپیشاب کا حکم نہ لگے اس کی کئی ترکیبیں ہیں جن میں بہترین یہ ہے کہ پیشاب آنابند ہوجانے کے بعد تین دفعہ بائیں ہاتھ کی درمیانی انگلی کے ساتھ مقعد سے لے کر عضو تناسل کی جڑ تک سونتےاور اس کے بعد انگوٹھے کو عضو تناسل کے اوپر اورانگوٹھے کے ساتھ والی انگلی کو اس کے نیچے رکھے اورتین بارختنے کی جگہ تک سونتے اورپھر تین دفعہ حشفہ کو دبائے۔
استبراء کرنے کا فائدہ یہ ہوتا ہے کہ اگرانسان پیشاب کے بعد استبراء کرے اورپھر کوئی ایسی رطوبت خارج ہو جس کے بارے میں شک ہوجائے کہ پیشاب ہے یا منی کے علاوہ کوئی اوررطوبت ہے تو اس رطوبت کو پاک سمجھے۔
مسئلہ ۲۹: عورت کے لیےپیشاب کے بعد استبراء نہیں ہے اگر کوئی رطوبت خارج ہو اورشک ہو کہ یہ پیشاب ہے یا نہیں تو وہ رطوبت پاک ہوگی اور اس سے وضو یا غسل بھی باطل نہیں ہوگا۔