مؤسسه جواد الائمه علیه السلام

کنویں کا پانی:

مسئلہ ۱۷: ایک ایسے کنویں کا پانی جو زمین سے اُبلتا ہو اگرچہ مقدار میں ایک کُر سے کم ہو نجاست پڑنے پر جب تک اس نجاست کی وجہ سے اس کی بو، رنگ یا ذائقہ تبدیل نہ ہوجائے پاک ہے لیکن مستحب ہے کہ بعض نجاستوں کے گرنے پر کنویں سے تفصیلی کتابوں میں درج شدہ مقدار کے مطابق پانی نکال دیاجائے۔

مسئلہ ۱۸: کتے، سور اورغیر کتابی کا جھوٹا نجس ہےاور اس کا کھانا اورپینا حرام ہے مگر حرام گوشت جانوروں کا جھوٹا پاک ہے، بلی کے علاوہ اس قسم کے باقی سب جانوروں کا جھوٹا کھانا اورپینا مکروہ ہے۔ 

مسئلہ ۱۹: مؤمن کا جھوٹا (نیم خوردہ) شفا ہے بلکہ روایات معصومین علیہم السلام میں ہے کہ ستر بیماریوں کی شفا ہے۔