مؤسسه جواد الائمه علیه السلام

طہارت کے احکام 

ارشاد ربّ العزت ہے:

{ وَأَنْزَلْنَا مِنَ السَّمَاءِ مَآءً طَهُورًا}

(سورہ فرقان، آیت ۴۸)  

مسئلہ ۸: پانی یا مطلق ہوتا ہے یا مضاف۔

مضاف پانی وہ ہوتا ہے جسے کسی چیز سے حاصل کیا جائے مثلاً تربوز کا پانی یا گلاب کا عرق یا انار وغیرہ کا پانی۔ اور وہ پانی بھی مضاف کہلاتا ہے جو کسی دوسری چیز سے مل کر اس طرح ہوجائے کہ اسے مطلق پانی نہ کہا جاسکے مثال کے طور پر پانی میں اتنی چینی ملا دیں یا اس میں اتنی مٹی ملا دیں کہ پھر اسے مطلق پانی نہ کہا جاسکے۔

ان کے علاوہ جو پانی ہو اسے مطلق پانی کہتے ہیں۔ بعبارت دیگر مطلق وہ پانی ہے جس میں کسی چیز کی ملاوٹ نہ ہو۔ (یعنی خالص پانی)